Matilda Koén-Sarano - La djoya
En una butika skura,
Topí yo una djoya klara.
La su perla k'es muy pura,
Supo avlarm'al korasón.
Ma tú saves de ken era
La su piedra de Granada
Ke en la plata st'apegada
I ke troka de kolor?
Era de una prenseza?
A una dam' apartenía,
Ke pue'ser era djudía
I mas nunka no tornó.
Akel dí' en el merkado,
Una boz me disho: "Aspera,
No me deshes ke me muera,
Irme kero yo kon ti".
I agora yo la tengo,
Sovr'el pecho enkolgada
Día i noche mi pensada
Sta tornand'a Salonik.